პარლამენტის ხუთი კომიტეტის გაერთიანებულ სხდომაზე ეკონომიკური ბლოკის მინისტრებს უსმენენ

პარლამენტის ხუთი კომიტეტის გაერთიანებულ სხდომაზე ეკონომიკური ბლოკის მინისტრებს უსმენენ, რომელთა კანდიდატურებიც პარლამენტს ნდობის მისაღებად წარედგინა.

პარლამენტის აგრარულ საკითხთა, გარემოს დაცვის, დარგობრივი ეკონომიკის, რეგიონული პოლიტიკის და საფინანსო-საბიუჯეტო კომიტეტების სხდომაზე შესაბამისი პროფილის მინისტრების მოსმენა დაიწყო.

როგორც ცნობილია, მთავრობის ეკონომიკურ ბლოკში წარდგენილია ორი ახალი მინისტრი: ფინანსთა მინისტრის თანამდებობაზე პრემიერ-მინისტრმა ივანე მაჭავარიანი დაასახელა, ხოლო ეკონომიკის სამინისტროს ხელმძღვანელად მან გიორგი ქობულია წარადგინა. ძირითადი შეკითხვები სწორედ ამ ორი მინისტრის მიმართ დაისმება.

როგორც ოპოზიციონერმა დეპუტატმა ზურაბ ჭიაბერაშვილმა კომიტეტების გაერთიანებული სხდომის დაწყების წინ ჟურნალისტებს განუცხადა, მათ აქვთ კითხვები, თუ როგორ აპირებს მინისტრი გადასახადების დაწევას, რაც არის გზა ეკონომიკის ზრდისა და უმუშევრობის დაძლევის მიმართულებით.

ასევე მთავარი კითხვაა, თუ როგორ შეიძლება მოხდეს საბიუჯეტო თანხების იმდაგვარი გადანაწილება, რომ გაიზარდოს პენსიის ოდენობა.

შეგახსენებთ, განახლებულ მთავრობაში სამი ახალი მინისტრია: განათლების, მეცნიერების, კულტურისა და სპორტის მინისტრის პოსტზე წარდგენილია მიხეილ ბატიაშვილი; ფინანსთა მინისტრის პოსტზე - ივანე მაჭავარიანი; ეკონომიკის მინისტრის პოსტზე - გიორგი ქობულია.

რაც შეეხება სხვა სამინისტროების ხელმძღვანელებს, პოსტებს მოქმედი მინისტრები ინარჩუნებენ.

მთავრობის ახალ სტრუქტურაში იქნება 10 მინისტრი და 1 სახელმწიფო მინისტრის აპარატი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს