გიორგი გახარია - არსებობდა რისკი თავშესაფრის მაძიებლებსა და ორგანიზებულ დანაშაულს შორის კავშირის დამყარების, თუმცა პარტნიორებთან ეფექტური თანამშრომლობით, ეს რისკები მოვხსენით

არსებობდა რისკი თავშესაფრის მაძიებლებსა და ორგანიზებულ დანაშაულს შორის გარკვეული კავშირის დამყარების, თუმცა ჩვენ პარტნიორებთან ეფექტური თანამშრომლობით, ფაქტობრივად ეს რისკები მოვხსენით, - ამის შესახებ შინაგან საქმეთა მინისტრობის კანდიდატმა გიორგი გახარიამ ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროების, იურიდიულ საკითხთა და საპროცედურო საკითხთა და წესების კომიტეტების გაერთიანებულ სხდომაზე განაცხადა, რომელზეც მთავრობის შემადგენლობისთვის და სამთავრობო პროგრამისთვის ნდობის გამოცხადების საკითხი განიხილება.

გიორგი გახარიას თქმით, ამ კუთხით აქტიურად და ეფექტურად მუშაობს პოლიციის ატაშეების ინსტიტუტი.

„საქართველო გახდა ევროპული ოპერატიული პარტნიორი, რაც ნიშნავს იმას, რომ ჩვენ გვაქვს უკვე დაცული და დახურული არხები ინფორმაციის გაცვლის ევროპასთან, რაც გვაძლევს საშუალებას, კიდევ უფრო ეფექტურად ვითანამშრომლოთ ჩვენს ევროპელ პარტნიორებთან. მოგეხსენებათ, რომ ორგანიზებული დანაშაულის ნაწილში ეს არის ძალზედ მნიშვნელოვანი.

ეფექტურად მუშაობს შინაგან საქმეთა სამინისტროს პოლიციის ატაშეების ინსტიტუტი. ჩვენ ამ ინსტიტუტს ვაძლიერებთ და ვაფართოვებთ და ის გამოწვევები, რომლებიც არსებობდა უვიზო რეჟიმის კონტექსტში ევროპის ზოგიერთ დედაქალაქში და ის შეკითხვები რომელიც არსებობდა, თითოეულ ამ შეკითხვაზე კონკრეტულად გავეცით პასუხი. რა თქმა უნდა არსებობდა რისკი თავშესაფრის მაძიებლებსა და ორგანიზებულ დანაშაულს შორის გარკვეული კავშირის დამყარების და ჩვენ პარტნიორებთან ეფექტური თანამშრომლობით ფაქტობრივად ეს რისკები მოვხსენით“,-განაცხადა გიორგი გახარიამ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან