რომან გოცირიძე გიორგი ქობულიას - ვინ გიცნობთ თქვენ საქართველოში და საიდან წამოვიდა თქვენი კანდიდატურა ეკონომიკის მინისტრის პოსტზე?

ვინ გიცნობთ თქვენ საქართველოში და საიდან წამოვიდა თქვენი კანდიდატურა ეკონომიკის მინისტრის პოსტზე? - აღნიშნული კითხვით ეკონომიკისა და მდგრადი განვითარების მინისტრის თანამდებობაზე წარდგენილ გიორგი ქობულიას ფრაქცია „ნაციონალური მოძრაობის“ თავმჯდომარემ რომან გოცირიძემ პარლამენტის კომიტეტების გაერთიანებულ სხდომაზე მიმართა, რასაც მცირე პოლემიკა მოჰყვა.

კერძოდ, გოცირიძე დაინტერესდა, თუ ვის იცნობს ქობულია საქართველოში, როგორ და ვისი რეკომენდაციით მოხდა მინისტრის თანამდებობაზე მისი წარდგენა, ჰქონდა თუ არა შეხება ბიძინა ივანიშვილთან და მის კომპანიებთან რუსეთში და იცნობს თუ არა პირადად ივანიშვილს.

ამ კონტექსტში გოცირიძემ აღნიშნა, რომ მას არავინ იცნობს არც საპარლამენტო უმრავლესობიდან და არც ოპოზიციიდან.

გოცირიძეს პასუხად თავად „ქართული ოცნების“ დეპუტატებმა მიმართეს კითხვით, თუ ვინ იცნობდა ვერა ქობალიას, როდესაც ის ეკონომიკის მინისტრი გახდა.

რომან გოცირიძემ კოლეგების პასუხად აღნიშნა, რომ ვერა ქობალია დღეს არის ინდონეზიის მთავრობის მრჩეველი და წარმატებით განაგრძობს საკუთარ საქმიანობას.

„მე, ახლა სწორედ ის ვთქვი და ის ვიკითხე, რასაც თქვენ ვერ ამბობთ, მაგრამ გულში ფიქრობთ“, - მიმართა გოცირიძემ „ქართული ოცნების“ დეპუტატებს.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა