მინისტრობის კანდიდატებთან ერთად, პარლამენტში მთავრობის შემადგენლობის მიღმა დარჩენილი სოზარ სუბარიც იმყოფება

პრემიერ-მინისტრსა და მინისტრობის კანდიდატებთან ერთად პარლამენტში მთავრობის შემადგენლობის მიღმა დარჩენილი სოზარ სუბარიც იმყოფება.

რა სტატუსით ესწრება სოზარ სუბარი საკომიტეტო განხილვებს, სადაც მინისტრობის კანდიდატებს უსმენენ, თავდაცვის კომიტეტის თავმჯდომარემ ირაკლი სესიაშვილმა განმარტა.

„მიხარია, რომ სოზარ სუბარი ზურგს უკან გიდგას არა როგორც წასული მინისტრი, არამედ როგორც ადამიანი, რომელიც ბოლომდე მიყვება ჩვენს საერთო ოჯახს და გამოწვევებს, - ამ სიტყვებით მიმართა პარლამენტის და უშიშროების კომიტეტის თავმჯდომარემ, ირაკლი სესიაშვილმა შერიგების და სამოქალაქო თანასწორობის საკითხებში სახელმწიფო მინისტრობის კანდიდატს, ქეთევან ციხელაშვილს.

ირაკლი სესიაშვილი რამდენიმე კომიტეტის გაერთიანებულ სხდომაზე მიესალმა ქეთევან ციხელაშვილს, რომლის დისკრეციაში ამიერიდან დევნილთა კომპონენტი იქნება და ასევე სოზარ სუბარს, რომელიც ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების ყოფილი მინისტრია.

"ქალბატონო ქეთი, მე მიხარია, რომ თქვენს უკან ზის ბატონი სოზარ სუბარი. მადლობა მინდა გადავუხადო მას. თქვენს მიმართ გამორჩეული პატივისცემა მაქვს. ჩვენ არაერთხელ ერთად გვიფიქრია და გვიმუშავია იმ ყველაზე დიდ სატკივარზე, რომელიც ჩვენ გვაქვს. მიხარია, რომ სოზარ სუბარი ზურგს უკან გიდგას არა როგორც წასული მინისტრი, არამედ როგორც ადამიანი, რომელიც ბოლომდე მიყვება ჩვენს საერთო ოჯახს და იმ გამოწვევებს, რაც ჩვენს დევნილებთან მიმართებაში გვაქვს", - განაცხადა ირაკლი სესიაშვილმა.

სოზარ სუბარი პარლამენტში, კომიტეტების გაერთიანებულ სხდომაზე იმყოფება.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა