მიხეილ ბატიაშვილი - ჩემი სამოქმედო გეგმა არ იქნება კაბინეტში დაწერილი

საქართველოს განათლების, მეცნიერების, კულტურისა და სპორტის მინისტრობის კანდიდატმა, მიხეილ ბატიაშვილმა, პარლამენტში სიტყვით გამოსვლისას სამინისტროების გაერთიანების კონცეფციაზე ისაუბრა.

მინისტრობის კანდიდატის თქმით, ადამიანური კაპიტალის განვითარება ქვეყნის უმნიშვნელოვანესი გამოწვევაა. სწორედ ამიტომ, გაერთიანებული უწყების მთავარი ამოცანა იქნება ხარისხიანი განათლების, მეცნიერების, კულტურისა და სპორტის განვითარება და მხარდაჭერა. სწორედ, ამ სფეროების სინერგიული განვითარება მოგვცემს პოზიტიურ შედეგებს როგორც მოკლევადიან, ისე გრძელვადიან პერსპექტივაში.

მიხეილ ბატიაშვილის თქმით, მისი სამოქმედო გეგმა არ იქნება კაბინეტში დაწერილი.

„ეს იქნება ფართო განხილვისა და მსჯელობის საგანი სფეროს სპეციალისტების, საერთაშორისო, ადგილობრივი ექსპერტებისა და ყველა დაინტერესებული მხარის მონაწილეობით. ყველა ეს მხარე ორშაბათიდანვე იქნება პროცესში ჩართული და საერთო ხედვა სტრატეგიად იქცევა. ეს კი, საბოლოო ჯამში, მოგვცემს შესრულებად, რეალისტურ და შედეგებზე ორიენტირებულ სამოქმედო გეგმას“, - განაცხადა მიხეილ ბატიაშვილმა, რომლის კომენტარსაც სამინისტროს პრესსამსახური ავრცელებს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ