მამუკა ბახტაძე - მზად ვარ, რომ ამ რეფორმების და ინიციატივების დანერგვაზე ავიღო პოლიტიკური პასუხისმგებლობა

ჩვენს სამთავრობო პროგრამაში წარმოდგენილი ინიციატივების უმეტესობა არ მოითხოვს გრძელვადიან დანერგვის რეჟიმს, - ამის შესახებ პრემიერ-მინისტრობის კანდიდატმა მამუკა ბახტაძემ ფრაქცია „საქართველოს პატრიოტების“ სხდომაზე განაცხადა, სადაც მთავრობის შემადგენლობისთვის ნდობის გამოცხადების საკითხს განიხილავენ.

„პროგრამა, რომელიც წარმოდგენილია და ის ინიციატივები, რომლებიც მასში დაფიქსირებულია, მათი უმეტესობა არ მოითხოვს გრძელვადიან დანერგვის რეჟიმს. ბუნებრივია, ეს არ ეხება განათლების სექტორის რეფორმას, ვინაიდან ეს არის განსაკუთრებული შემთხვევა. განათლება გახლავთ ის სფერო, სადაც საჭიროა გრძელვადიანი ხედვა. დანარჩენი რეფორმების ნაწილი უნდა დაინერგოს მიმდინარე წელს, ნაწილი - 2019 წელს. ჩვენი ამოცანაა, ახალი რეფორმებით შევქმნათ ისეთი ეკონომიკური მოდელი, რომელიც საშუალებას მოგვცემს, გავუმკლავდეთ მთავარ ეკონომიკურ გამოწვევას საქართველოში. ეს არის სიღარიბის შემცირება, ჭარბვალიანობა და რაც მთავარია, სამართლიანი თამაშის წესების დამკვიდრება ეროვნულ ეკონომიკაში“, - განაცხადა ბახტაძემ.

იგი დარწმუნებულია, რომ წარმოდგენილი გუნდი თავს გაართმევს დასახული რეფორმების იმპლემენტაციას.

„მე მზად ვარ, რომ ამ რეფორმების და ინიციატივების დანერგვაზე ავიღო პოლიტიკური პასუხისმგებლობა“, - დასძინა მამუკა ბახტაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს