ადამიანის უფლებათა ცენტრმა პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის საქმიანობის მონიტორინგის შუალედური მიგნებები წარმოადგინა

ადამიანის უფლებათა ცენტრმა პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის საქმიანობის მონიტორინგის შუალედური მიგნებები წარმოადგინა.

კვლევის ავტორმა თამარ ავალიანმა რამდენიმე ძირითად მიგნებაზე ისაუბრა, მათ შორის აღნიშნა, რომ ახალ დეპარტამენტში არ არსებობს საქმეების შერჩევის კრიტერიუმები და ამ კრიტერიუმების გაწერა მნიშვნელოვანია.

„ადამიანის უფლებათა ცენტრი თითქმის 10 თვეა სწავლობს ახალი დეპარტამენტის საქმიანობას, რომელიც ეხება სამართალწარმოების პროცესში ჩადენილი დანაშაულის გამოძიებას. კვლევამ საინტერესო მიგნებები გამოკვეთა, რაც ეხება ზოგადად ახალი დეპარტამენტის გამომძიებლებისა და პროკურორების შერჩევა დანიშვნის კრიტერიუმებს; იმას, რომ არ არსებობს საქმეთა შერჩევის კრიტერიუმები ახალ დეპარტამენტში. მაგალითად არსებობს ქონების იძულებით ჩამორთმევის 400-ზე მეტი საქმე და სხვა იძულების ფაქტები. წამების 49 საქმეა და ჩვენ არ ვიცით, წამების ათასობით საქმიდან რა კრიტერიუმების საფუძველზე შეირჩა ეს 49. აუცილებელია ამ კრიტერიუმების გაწერა. გარდა ამისა, ჩვენ მიგვაჩნია, რომ ახალი დეპარტამენტის საქმიანობა არ უნდა იყოს შემოსაზღვრული მხოლოდ 2012 წლამდე ჩადენილი დანაშაულით“, - განაცხადა თამარ ავალიანმა.

შუალედური მიგნებების შესახებ გამართულ მრგვალ მაგიდას ესწრებოდა პროკურორი ირაკლი ნადარეიშვილიც, რომელმაც მოისმინა ცენტრის მიერ ჩატარებული კვლევის შუალედური მიგნებები და ჟურნალისტებთან საუბრისას ყურადღება ახალი დეპარტამენტის პროკურორებისა და გამომძიებლების შერცევაზე გაამახვილა.

„საჯარო იყო თუ როგორ მოხდა აღნიშნული დეპარტამენტის საკადრო დაკომპლექტება. პირველ რიგში, უნდა აღინიშნოს, რომ ეს მოხდა ღია კონკურსისა და გასაუბრების წესით. პრიორიტეტი მიენიჭა იმ კადრებს რომელთა მიმართაც არ არსებობდა არანაირი პრეტენზია და საჩივარი, რომლებიც არ იყვნენ შემჩნეული არანაირ ძალადობრივ ქმედებებში ან რაიმე ფორმის უკანონო ქმედებაში ქონების ჩამორთმევის კუთხით. აღნიშნული კრიტერიუმებით მოხდა კადრების შერჩევა-დაკომპლექტება. მინდა გითხრათ, რომ დეპარტამენტის შემადგენლობა საკმაოდ ახალგაზრდულია. მე ვფიქრობ, რომ დეპარტამენტის პირადი შემადგენლობის მიმართ კითხვის ნიშნები იმთავითვე არ არსებობდა და არც ამჟამად არსებობს“, - განაცხადა ნადარეიშვილმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს