წინა პრემიერ-მინისტრი ცნობილი იყო გრძელი სადღეგრძელოებით, დღეს უფრო მოკლე სადღეგრძელოებს ვისმენთ, განსაკუთრებით ეკონომიკური გუნდისგან, - ამის შესახებ „ევროპული საქართველოს“ წევრმა სერგი კაპანაძემ საპარლამენტო უმცირესობის სხდომაზე განაცხადა, სადაც მთავრობის შემადგენლობისთვის ნდობის გამოცხადების საკითხს განიხილავენ.
„როდესაც სხვადასხვა მთავრობები შემოდიან სხვადასხვა პერიოდულობით, ხშირად გვესმის მრავალი სადღეგრძელო გამოსვლების დროს. წინა პრემიერ-მინისტრი ცნობილი იყო გრძელი სადღეგრძელოებით, დღეს უფრო მოკლე სადღეგრძელოები, მაგრამ მაინც სადღეგრძელოები გვესმის, განსაკუთრებით ეკონომიკური გუნდისგან. ერთ-ერთი იყო ინკლუზიური ეკონომიკური ზრდის შესახებ“, - განაცხადა სერგი კაპანაძემ.
„სადღეგრძელოსთან დაკავშირებით რაღაც პრობლემა გაქვთ ეტყობა, მეათეჯერ მეუბნებით ამას“, - აღნიშნა მამუკა ბახტაძემ, რაზეც სერგი კაპანაძემ უპასუხა, რომ პარლამენტს არ უხდება სადღეგრძელოები.