გვატემალაში, წყალქვეშა ნავიდან 800 კილოგრამზე მეტი კოკაინი ამოიღეს. ამის შესახებ ქვეყნის პროკურატურა იუწყება. უწყების ინფორმაციით, სულ წყალქვეშა ნავის ბორტზე 1-კილოგრამიან შეკვრებში დაფასოებული 823 კილოგრამი კოკაინი აღმოაჩინეს. ყველა შეკვრაზე ცნობილი ბრაზილიელი ფეხბურთელის ნეიმარის ფოტო იყო გამოსახული.

წყალქვეშა ნავის ეკიპაჟი, რომელიც კოლუმბიის სამი მოქალაქისგან შედგებოდა, დაკავებულია. „შავ ბაზარზე“ ამოღებული კოკაინის საერთო ღირებულება 11,5 მილიონ დოლარს შეადგენს.