მამუკა ბახტაძე - გულწრფელად ვფიქრობ, რომ თორნიკე რიჟვაძე ძალიან კარგი კანდიდატია

გულწრფელად ვფიქრობ, რომ თორნიკე რიჟვაძე ძალიან კარგი კანდიდატია, - განაცხადა საქართველოს პრემიერ-მინისტრმა მამუკა ბახტაძემ აჭარის მთავრობის თავმჯდომარის პოსტზე „ქართული ოცნების“ მიერ წარდგენილ თორნიკე რიჟვაძის კანდიდატურაზე საუბრისას.

პრემიერის შეფასებით, თორნიკე რიჟვაძეს სწორი ხედვა აქვს და მისი კანდიდატურა მისაღებია.

„მას ძალიან სწორი ხედვა აქვს თუ როგორ უნდა განავითაროთ აჭარა და როგორ ავითვისოთ ის ეკონომიკური პოტენციალი, როგორ უნდა შევქმნათ დამატებითი სამუშაო ადგილები, როგორ მოვიზიდოთ ახალი ინვესტიციები რეგიონში, აქედან გამომდინარე, ვფიქრობ, რომ თორნიკე რიჟვაძის კანდიდატურა არის მისაღები და ადეკვატური ამ სიტუაციის. აქედან გამომდინარე, გართულებულ სცენარებზე კომენტარის გაკეთებას პრინციპში ალბათ აზრიც არ ექნება“, - განაცხადა მამუკა ბახტაძემ.

გუშინ პრეზიდენტმა განაცხადა, რომ აჭარის მთავრობის თავმჯდომარის პოსტზე თორნიკე რიჟვაძის კანდიდატურა მიუღებელი ნამდვილად არ არის.

„მიუღებელი თორნიკე რიჟვაძის კანდიდატურა ნამდვილად არ არის. რას გავაკეთებ, ეს ცოტა ხანში გამოჩნდება, მაგრამ კითხვაზე გპასუხობთ, რომ თორნიკე რიჟვაძის კანდიდატურა მიუღებელი ნამდვილად არ არის“, - განაცხადა გიორგი მარგველაშვილმა.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა