არმაზ ახვლედიანი - კარგად ვაცნობიერებ, რას ნიშნავს დღეს ამ პოლიტიკურ ბრძოლაში ჩართვა

არმაზ ახვლედიანი მზად არის, აჭარის უმაღლესი საბჭოს პოლიტიკურ სუბიექტებს პირადად შეხვდეს და საკუთარი ხედვა გააცნოს, - ამის შესახებ მან ჟურნალისტებს აჭარის მთავრობის თავმჯდომარეობის კანდიდატად დასახელების შემდეგ განუცდადა.

"უპირველესად მინდა მადლობა ვუთხრა საზოგადოების წარმომადგენლებს და აჭარის უმაღლეს საბჭოში შემავალ ყველა პარტიას, აგრეთვე ყველა სხვა პარტიას, რომლებმაც გადაწყვიტეს ჩემი მხარდაჭერა. მე კარგად ვაცნობიერებ, რას ნიშნავს დღეს ამ პოლიტიკურ ბრძოლაში ჩართვა, მაგრამ უმეტესად ვაცნობიერებ პასუხისმგებლობას ჩვენი საზოგადოების წინაშე და კარგად ვხვდები, რომ დღეს, როგორც არასდროს, სასიცოცხლოდ მნიშვნელოვანია, რომ პოლიტიკური პროცესი გაჯანსაღდეს. დავუბრუნდეთ დემოკრატიულ საწყისს, რომ ადამიანი გახდეს ჩვენი ზრუნვის მთავარი საგანი. ბოლოს და ბოლოს გავაცნობიეროთ ყველამ, ვინ ვართ ხელისუფლებაში ან ვაპირებთ მოსვლას, რომ მოვდივართ შეზღუდული დროით, მაგრამ იმისთვის, რომ ვემსახუროთ. მე მზად ვარ შევხვდე აჭარის უმაღლესი საბჭოს თითოეულ დეპუტატს და ვადასტურებ თითოეული დეპუტატის მიმართ პატივისცემას. მიუხედავად პარტიული კუთვნილებისა, მზად ვარ ღია, გამჭვირვალე ფორმატში თითოეულს ავუხსნა ჩემი პოზიცია და გავაგებინო ჩემი მთავარი სათქმელი", - განაცხადა არმაზ ახვლედიანმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს