პაკისტანში ავტოსაგზაო შემთხვევას 17 ადამიანი ემსხვერპლა

პაკისტანში სატვირთო ავტომობილი ავტობუსს დაეჯახა, რომლითაც ადამიანები ქორწილში მიემგზავრებოდნენ. ავარიის შედეგად სულ მცირე 17 ადამიანი დაიღუპა, კიდევ 13 დაშავდა. ამის შესახებ გამოცემა Daily Pakistan წერს.

ინციდენტი დღეს დილით სინდის პროვინციაში, მატიარის ოლქში მოხდა.

გამოცემის ინფორმაციით, გაუმართაობის გამო ავტობუსი გზის პირზე იდგა, როდესაც მას უკნიდან სატვირთო ავტომობილი შეეჯახა.