პრემიერ-მინისტრი კანადის ხაზინის საბჭოს პრეზიდენტს შეხვდა

საქართველო-კანადას შორის არსებული ურთიერთობების გაღრმავების პერსპექტივები იყო საქართველოს მთავრობის მეთაურის, მამუკა ბახტაძის და კანადის ხაზინის საბჭოს პრეზიდენტის, სკოტ ბრისონის შეხვედრის მთავარი განსახილველი საკითხი, - ამის შესახებ ინფორმაციას მთავრობის ადმინისტრაციის პრესსამსახური ავრცელებს.

მათივე ცნობით, გამოითქვა მზაობა, სხვადასხვა სფეროში ქვეყნებს შორის არსებული პოტენციალი სრულად იქნას ათვისებული. მხარეებმა განსაკუთრებული ყურადღება გაამახვილეს სავაჭრო-ეკონომიკური თანამშრომლობისა და ტურიზმის სექტორის გაძლიერებაზე; აგრეთვე, სოფლის მეურნეობის სფეროში არსებული ურთიერთობებისთვის ახლი დინამიკის შეძენის მნიშვნელობაზე, მათ შორის, საგანმანათლებლო დაწესებულებებს შორის კავშირების გაღრმავების ნაწილში.

როგორც სკოტ ბრისონმა აღნიშნა, საქართველო კანადისთვის რეგიონში უმნიშვნელოვანესი პარტნიორი და ძლიერი დასაყრდენია. მანვე დადებითად შეაფასა ქვეყნის ხელისუფლების მიერ განხორციელებული და დაგეგმილი რეფორმები, აგრეთვე, მაღალი შეფასება მისცა საქართველოს წარმატებებს „ღია მმართველობის პარტნიორობის“ (OGP) ფარგლებში.

შეხვედრისას, საუბარი შეეხო საქართველოსა და კანადას შორის თავისუფალი სავაჭრო სივრცის შესახებ შეთანხმებას, ქვეყნებს შორის პირდაპირი ფრენების განხორციელების შესაძლებლობას - ხალხთაშორისი კავშირების გაღრმავების მიზნით და საქართველოს საინვესტიციო პოტენციალის კანადელი ბიზნეს-წრეებისა და ინვესტორებისთვის გაცნობას.

ხაზგასმით აღინიშნა საერთაშორისო მისიებში საქართველოს მიერ შეტანილი წვლილის მნიშვნელობა. ითქვა, რომ კანადა მხარს უჭერს ქვეყნის ნატო-ში გაწევრიანების პოლიტიკას.

აგრეთვე, საუბარი შეეხო საქართველოს ოკუპირებულ ტერიტორიებზე როგორც ადამიანის უფლებების, ისე ჰუმანიტარული კუთხით არსებულ ვითარებას და დადებითად შეფასდა საქართველოს მთავრობის ძალისხმევა კონფლიქტის მშვიდობიანი გზით დარეგულირების მიმართულებით.

მთავრობის ადმინისტრაციაში გამართულ შეხვედრას ფინანსთა მინისტრი ივანე მაჭავარიანი, საგარეო საქმეთა მინისტრის მოადგილე დავით დონდუა და კანადის საგანგებო და სრულუფლებიანი ელჩი საქართველოში კრისტოფერ კუტერი ესწრებოდნენ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს