რუსეთის პრეზიდენტმა ვლადიმერ პუტინმა ამერიკელ კოლეგასთან ერთად გამართულ პრესკონფერენციაზე განაცხადა, რომ დონალდ ტრამპს შესთავაზა, ორმხრივი გრძელვადიანი ურთიერთობების ფილოსოფიაზე იფიქროს.
„რა თქმა უნდა, დროა, გალღვეს რუსეთ-ამერიკის კავშირები საზოგადოებრივი ორგანიზაციების ხაზით, კულტურულ-ჰუმანიტარულ სფეროში. ამასთან დაკავშირებით, ამერიკის პრეზიდენტს ვუთხარით, რომ იფიქროს არა მხოლოდ პრაქტიკულ საკითხებზე, არამედ ორმხრივი ხანგრძლივი ურთიერთობების ფილოსოფიაზე“, - განაცხადა პუტინმა. მისივე თქმით, ასეთი პროცესისთვის კარგი იქნებოდა იმ ექსპერტების გამოცდილება, რომლებმაც კარგად იციან ისტორია, რუსეთ-ამერიკის ურთიერთობის ნიუანსები.
დღევანდელ პრესკონფერენციაზე დონალდ ტრამპმა განაცხადა, რომ რუსეთი და აშშ ერთად არიან დამნაშავეები ორმხრივი ურთიერთობების გაუარესებაში.