რუსეთის პრეზიდენტმა ვლადიმერ პუტინმა ჰელსინკში, ამერიკელ კოლეგასთან გამართულ ერთობლივ პრესკონფერენციაზე, დონალდ ტრამპს 2018 წლის ფეხბურთის ჩემპიონატის ფეხბურთის ბურთი საჩუქრად გადასცა და ამერიკას 2016 წელს მსოფლიო ჩემპიონატის ჩატარებაში წარმატება უსურვა.

„რაც შეეხება იმ საკითხს, რომ სირიასთან დაკავშირებით ბურთი ჩვენ მხარესაა: აი, ბატონი პრეზიდენტი ესესაა საუბრობდა იმაზე, რომ დავასრულეთ და წარმატებით ჩავატარეთ მსოფლიო საფეხბურთო ჩემპიონატი. ბურთს რაც შეეხება, მინდა ბატონ პრეზიდენტს გადავცე ეს ბურთი. ახლა ბურთი მის მხარესაა“, - განაცხადა პუტინმა და ბურთი დონალდ ტრამპს გადასცა.

მოგვიანებით ამერიკის პრეზიდენტმა ბურთი თავის მეუღლეს მელანია ტრამპს ესროლა, რომელიც დარბაზში იმყოფებოდა.