საქართველოს პრეზიდენტს გიორგი მარგველაშვილს აჭარის მთავრობის თავმჯდომარის კანდიდატურის დასახელების ვადა ხვალ ეწურება,- ამის შესახებ აჭარის უმაღლესი საბჭოს თავმჯდომარემ დავით გაბაიძემ "ინტერპრესნიუსთან" საუბრისას განაცხადა.

დავით გაბაიძე დარწმუნებულია, რომ პრეზიდენტი უმრავლესობის გადაწყვეტილების თანახმად, "ქართული ოცნების" კანდიდატს თორნიკე რიჟვაძეს დაასახელებს. მისივე თქმით, სხვა პოლიტიკური სუბიექტების მიერ წარდგენილ კანდიდატს უმაღლესი საბჭოს უმრავლესობა მხარს არ დაუჭერს.

შეგახსენებთ, რომ აჭარის მთავრობის თავმჯდომარის პოსტზე „ქართული ოცნების“ მიერ დასახელებულია თორნიკე რიჟვაძის, ექვსი პოლიტიკური პარტიის მიერ არმაზ ახვლედიანის და სახალხო საზოგადოებრივი მოძრაობის მიერ გოჩა გუგუნავას კანდიდატურები.