სომხეთის პრემიერ-მინისტრმა ნიკოლ ფაშინიანმა საქართველოს პრემიერ-მინისტრს მამუკა ბახტაძეს ტყიბულში მომხდარ უბედურ შემთხვევასთან დაკავშირებით მიუსამძიმრა. ამის შესახებ ინფორმაციას სომხეთის მთავრობის პრესსამსახური ავრცელებს.

„ღრმა მწუხარებით შევიტყვე ტყიბულის შახტში მომხდარ ტრაგედიის შესახებ. ამ მძიმე მომენტში სამძიმარს გიცხადებთ თქვენ და მეგობარ ქართველ ხალხს. თანაგრძნობისა და ნუგეშის სიტყვებით მივმართავ დაღუპულთა ნათესავებსა და მეგობრებს და სწრაფ გამოჯანმრთელებას ვუსურვებ მძიმედ დაშავებულებს“, - ნათქვამია ნიკოლ ფაშინიანის წერილში.

ტყიბულში, მინდელის შახტის ერთ-ერთ გვირაბში გუშინ აფეთქების შედეგად, 4 ადამიანი დაიღუპა და 6 დაშავდა. შსს-ს ცნობით, შახტის გვირაბში, სავარაუდოდ, მეთანის აფეთქების შედეგად კედლების დეფორმაციას ჭერის ჩამოშლა მოჰყვა.