დიმიტრი ხუნდაძე ტყიბულის შახტში მომხდარზე - რადგან ასეთი ტრაგიკული შემთხვევები გახშირებულია, ფაქტია, რომ სადღაც რაღაც დაგვიანდა

რადგან ასეთი ტრაგიკული შემთხვევების ფაქტები გახშირებულია, ფაქტია, რომ სადღაც რაღაც დაგვიანდა, - ამის შესახებ საპარლამენტო უმრავლესობის წევრმა დიმიტრი ხუნდაძემ ტყიბულის შახტში მომხდარ ფაქტზე საუბრისას განაცხადა.

"მე მაისის თვეში ვიყავი უშუალოდ შახტში, 360 მეტრის სიღრმეზე. დავესწარი სამუშაო პროცესს. მეშახტეებთან ერთად მივიღე მონაწილეობა გარკვეულ სამუშაო პროცესებში. რა თქმა უნდა, მოლოდინი არ მქონდა, რომ საუკეთესო ვითარება დამხვდებოდა, მაგრამ მოლოდინს გადააჭარბა იმან, რაც ჩვენ ვნახეთ. მეშახტეები აბსოლუტურად გაუსაძლის პირობებში და მაღალი რისკის ქვეშ ასრულებენ სამუშაოს. აქვე მინდა აღვნიშნო, რომ სამუშაოების ძირითადი ნაწილი სრულდება ხელით", - განაცხადა ხუნდაძემ.

მისივე თქმით, ვენტილაციის გარეშე ფეთქებადსაშიში აირების დაგროვების რისკია, ვენტილაცია მუდმივ რეჟიმში მუშაობს, თუმცა, ხუნდაძე აღნიშნავს, რომ ის მოძველებულია.

"პირველ რიგში, ვენტილაციის სისტემები უნდა განახლდეს. მე აღარ ვსაუბრობ ლიფტებზე, რომელიც ათეულობით წლის წინაა დამონტაჟებული. უსაფრთხოება უნდა დაიცვას როგორც დამსაქმებელმა, ასევე მეშახტეებმაც", - განაცხადა ხუნდაძემ.

კითხვაზე, ხომ არ არის დაგვიანებული შახტის დახურვის გადაწყვეტილება და წინა პრემიერ-მინისტრსაც ხომ არ უნდა მიეღო მსგავსი ზომები, ხუნდაძემ აღნიშნა, რომ ფაქტები ადასტურებს, რომ სადღაც რაღაც დაგვიანდა.

"რადგან ასეთი ტრაგიკული შემთხვევების ფაქტები გახშირებულია, ფაქტია, რომ სადღაც რაღაც დაგვიანდა. მაგრამ ეს არ ნიშნავს იმას, რომ ჩვენ მხოლოდ ურთიერთბრალდებებზე ვისაუბროთ", - განაცხადა ხუნდაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს