საქართველოს ევროპული არჩევანი არ არის მხოლოდ ჩვენი თაობის არჩევანი, ეს არის საქართველოს ცივილიზაციური არჩევანი, - ამის შესახებ საქართველოს პრემიერ-მინისტრმა მამუკა ბახტაძემ საქართველო-იტალიის ბიზნესფორუმზე განაცხადა. მანვე იტალიის პრეზიდენტს და იტალიელ ხალხს საქართველოს გვერდში დგომისთვის მადლობა გადაუხადა.
„საქართველოს ევროპული არჩევანი არ არის მხოლოდ ჩვენი თაობის არჩევანი. ეს არის საქართველოს ცივილიზაციური არჩევანი. საქართველო არის ევროპული ცივილიზაციის ნაწილი. დიდი მადლობა მინდა გადაგიხადოთ თქვენ და იტალიელ ხალხს იმისთვის, რასაც თქვენ ახორციელებთ საქართველოსთვის ჩვენს მიერ დამოუკიდებლობის მოპოვების დღიდან“, - განაცხადა ბახტაძემ.