ლაგოდეხის მერი ჯონდო მდივნიშვილი კატარინა მატერნოვას შეხვდა

ლაგოდეხის მუნიციპალიტეტის მერი ჯონდო მდივნიშვილი ევროკავშირის, ევროპული სამეზობლო პოლიტიკისა და გაფართოების მოლაპარაკების გენერალური დირექტორის მოადგილეს კატარინა მატერნოვას და ევროკავშირის წარმომადგენლებს შეხვდა, - ამის შესახებ „ინტერპრესნიუსს“ ლაგოდეხის მუნიციპალიტეტის მერიიდან აცნობეს.

მერიის ინფორმაციით, შეხვედრას, რომელიც სასტუმრო „ვალდ ჰოტელში“ გაიმართა, საჯარო, კერძო სექტორის და ადგილობრივი სამოქალაქო საზოგადოების წარმომადგენლებით დაკომპლექტებულ ადგილობრივი განვითარების ჯგუფის წევრები დაესწრნენ. სტუმრებმა მუნიციპალიტეტის მერთან ერთად ევროკავშირის მხარდაჭერით შექმნილი პროექტები განიხილეს და ევროკავშირის მიერ დაფინანსებული ტერასა და ლიტერატურული კაფე დაათვალიერეს.

როგორც ლაგოდეხის მუნიციპალიტეტის მერიის ინფორმაციაშია აღნიშნული, ევროკავშირის წარმომადგენლებმა ლაგოდეხის შემდეგ ყვარელსა და თელავში ევროკავშირის მხარდაჭერით განხორციელებულ პროექტები დაათვალიერეს.

„აღსანიშნავია, რომ საქართველოს ევროკავშირის დახმარება ყოველწლიურად 100 მილიონ ევროზე მეტს შეადგენს. აღნიშნული თანხით 100-ზე მეტი პროექტი ხორციელდება ქვეყნის მასშტაბით და მათი უმრავლესობის პირდაპირი ბენეფიციარები რეგიონების მოსახლეობაა“, - ნათქვამია ინფორმაციაში.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა