სახელმწიფო შესყიდვების სააგენტო - სახელმწიფო შესყიდვების სააგენტომ OGP-ის 2017-2018 წლების სამოქმედო გეგმის ფარგლებში აღებული ვალდებულებები წარმატებით შეასრულა

სახელმწიფო შესყიდვების სააგენტომ OGP-ის 2017-2018 წლების სამოქმედო გეგმის ფარგლებში აღებული ვალდებულებები წარმატებით შეასრულა.

როგორც „ინტერპრესნიუსს“ სახელმწიფო შესყიდვების სააგენტოდან აცნობეს, სახელმწიფო შესყიდვების სააგენტო აქტიურად არის ჩართული ღია მმართველობა პარტნიორობის (OGP) ინიციატივის ფარგლებში ეროვნული სამოქმედო გეგმის განხორციელებაში.

„სააგენტომ წარმატებით შეასრულა OGP-ის 2017-2018 წლების სამოქმედო გეგმის ფარგლებში აღებული ვალდებულებები. დღეს, ღია მმართველობა პარტნიორობის მე-5 გლობალურ სამიტზე სახელმწიფო შესყიდვებს სპეციალური სესია დაეთმო, სადაც დეტალურად იყო წარმოდგენილი სამოქმედო გეგმით გათვალისწინებული ვალდებულებების შესრულების ანგარიში. აღსანიშნავია, რომ მიმდინარე წლის ივლისში დამტკიცდა OGP - ის 2018-2019 წლების სამოქმედო გეგმა, რომელიც ასევე იქნა წარდგენილი სამიტზე“, – აცხადებენ სააგენტოში.

მათივე თქმით, სამიტის მონაწილე დელეგატებიდან, საქართველოს სახელმწიფო შესყიდვების სისტემის მიმართ დიდი დაინტერესება გამოთქვეს ყირგიზეთისა და სხვა ქვეყნების სამთავრობო და საპარლამენტო დელეგაციის, ასევე საერთაშორისო ორგანიზაციების წარმომადგენლებმა. ისინი დეტალურად გაეცნობიან სახელმწიფო შესყიდვების სფეროში განხორციელებულ რეფორმებს.

17-19 ივლისს თბილისში ტარდება ღია მმართველობა პარტნიორობის მე-5 გლობალური სამიტი. სამიტს ესწრება 70-ზე მეტი ქვეყნის 2000-ზე მეტი ქვეყნის დელეგატი, მაღალი თანამდებობის პირები, სამოქალაქო საზოგადოებისა და საერთაშორისო ორგანიზაციების წარმომადგენლები.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა