სახელმწიფო ჰიდროგრაფიულმა სამსახურმა საქართველოს საზღვაო სივრცეში და პორტებში ბათიმეტრიული სამუშაოები დაიწყო

სახელმწიფო ჰიდროგრაფიული სამსახური საქართველოს საზღვაო სივრცეში და პორტებში ბათიმეტრიულ სამუშაოებს მსოფლიოს წამყვანი ჰიდროგრაფიული ტექნოლოგიების მწარმოებელი კომპანიების მიერ დამზადებული აპარატურით ახორციელებს.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, საქართველოს სახელმწიფო ჰიდროგრაფიული სამსახური აქტიურად მუშაობს საქართველოს საზღვაო სივრცეში მცურავი გემებისათვის ზუსტი მონაცემების (რუკები) მიწოდებაზე, რათა თავიდან იქნას აცილებული საზღვაო ინცინდენტები და უზრუნველყოფილი იყოს ნაოსნობის უსაფრთხოება.

ჰიდროგრაფიულმა სამსახურმა კატამარან ,,გაგრაზე“ მოახდინა ექოლოტის მოდერნიზება - ახალი სისტემა მოიცავს თანამედროვე სტანდარტებთან შესაბამის პროგრამულ უზრუნველყოფას, რომელიც ბათიმეტრიული აზომვითი სამუშოების პროცესში ზუსტი მონაცემების მოპოვების საშუალებას იძლევა. აღნიშნული სისტემა ასევე ახდენს გეოპოზიციის ცდომილების გარეშე განსაზღვრას, რაც მეტად მნიშვნელოვანია ნავიგაციისათვის.

„ჰიდროგრაფიული კვლევის, კარტოგრაფიისა და კორექციის სამმართველოს მიერ განახლებული აპარატურით ფოთის პორტის შესასვლელ არხში ბათიმეტრიული აზომვითი სამუშაოები განხორციელდა, მოპოვებული მონაცემები სპეციალურ პროგრამაში დამუშავების შემდეგ, ფოთის საზღვაო-სანავიგაციო რუკაზე იქნება დატანილი. აღსანიშნავია, რომ სახელმწიფო ჰიდროგრაფიული სამსახურის მიერ წარმოებული საზღვაო რუკები საერთაშორისო რუკათა კატალოგშია შეტანილი“, - ნათქვამია ინფორმაციაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს