ფრაქცია „ნაციონალური მოძრაობის“ თავმჯდომარე რომან გოცირიძე სახალხო დამცველის ანგარიშს დადებითად აფასებს და იმედოვნებს, რომ ომბუდსმენის სიტყვას ექნება მეტი ფასი.
„სახალხო დამცველის ანგარიშში მოხვდა ყველა მწვავე და მნიშვნელოვანი საკითხი, რაც კი დაგროვდა ქვეყანაში ამ ერთი წლის განმავლობაში. კარგი იქნება, მთავრობამ გაითვალისწინოს ეს შენიშვნები. პირადად მე, სახალხო დამცველის ამ ანგარიშს და მათ მიერ გაწეულ მუშაობას ვაფასებ დადებითად. არ ყოფილა არც ერთი სფერო, სადაც ისინი არ ყოფილიყვნენ დროულად და მოწოდების სიმაღლეზე. იმედია, რომ დროთა განმავლობაში სახალხო დამცველის სიტყვას ექნება მეტი ფასი. სახალხო დამცველის შეფასებები უნდა გახდეს აუცილებლად შესასრულებელი და თუკი ასე არ მოხდება, ამისთვის ხელისუფლებამ უნდა გადაიხადოს პოლიტიკური ფასი“, - განაცხადა გოცირიძემ.