18 ივლისს, ოდესის ნაციონალურ ბიბლიოთეკაში გიორგი კეკელიძის საჯარო ლექცია–სემინარი გაიმართა, რომელსაც ოდესის ოლქის ბიბლიოთეკარები დაესწრნენ.

როგორც „ინტერპრესნიუსს“ საქართველოს პარლამენტის ეროვნული ბიბლიოთეკიდან აცნობეს, 19 ივლისს ოდესაში ქართული ბიბლიოთეკა გაიხსნება.

ეროვნული ბიბლიოთეკის განცხადებით, ის მხარდაჭერისთვის მადლობას უხდის საქართველოს საკონსულოს.

„ეროვნული ბიბლიოთეკის წარმომადგენლებმა ოდესის ბიბლიოთეკაში დაცული უნიკალური გამოცემები, მათ შორის მეცხრამეტე საუკუნის ქართული გამოცემებიც დაათვალიერეს. აქ ერთ-ერთი ყველაზე მდიდარი ქართული გამოცემების კოლექციაა დაცული“, - ნათქვამია ინფორმაციაში.

პარლამენტის ეროვნული ბიბლიოთეკის პრესსამსახურის ცნობით, მხარეები მომავალი თანამშრომლობის გეგმებზეც შეთანხმდნენ.