რიმა ბერაძემ, გიორგი ჩაკვეტაძემ და ზურაბ ჩიკვილაძემ ჩუღურეთის რაიონში განახლებული სპორტული ინფრასტრუქტურა დაათვალიერეს

თბილისის საკრებულოს ჩუღურეთის რაიონის მაჟორიტარმა დეპუტატმა რიმა ბერაძემ დედაქალაქის წარმომადგენლობითი ორგანოს სპორტისა და ახალგაზრდულ საქმეთა კომისიის თავმჯდომარესთან გიორგი ჩაკვეტაძესთან და რაიონის გამგებელთან ზურაბ ჩიკვილაძესთან ერთად ზემო ჩუღურეთში მდებარე ორი ახალი სპორტული მოედანი დაათვალიერა.

საკრებულოს პრესსამსახურის ინფორმაციით, რიმა ბერაძემ სალხინოს ქუჩაზე არსებულ სპორტულ კომპლექსში ყოფნისას აღნიშნა, რომ მოსახლეობის თხოვნით და ჩუღურეთის რაიონის გამგეობის დახმარებით, კომპლექსს განახლებული მოედანიც შეემატა. მისივე თქმით, აქ გამწვანებითი სამუშაოები დასრულებულია და სრულად კეთილმოწყობილია დასასვენებელი სივრცე.

დღესვე, საკრებულოს წევრები გამგებელთან ერთად ხუდადოვის 173-შიც იმყოფებოდნენ, ტერიტორიაზე სადაც სპორტული ინფრასტრუქტურა არ არსებობდა, დღეს, სპორტული მოედნის აღდგენა-რეაბილიტაცია თითქმის დასრულებულია. აქ დამონტაჟდა ფეხბურთისა და კალათბურთის კარები, შეიღება ლითონის კონსტრუქციები, შეიცვალა ბალახის ხელოვნური საფარი, სტადიონების პერიმეტრზე კი, ლითონის ბადე მოეწყო.

„დღეს, საკრებულოს სპორტისა და ახალგაზრდული კომისიის თავმჯდომარესთან გიორგი ჩაკვეტაძესთან ერთად ორ მისამართზე ვიმყოფებოდით, თუმცა სულ, ჩუღურეთის რაიონში 21 სპორტული მოედნის განახლება პრაქტიკულად დასრულებულია.

ჯანსაღი ცხოვრების წესის პოპულარიზაცია ჩვენი წინასაარჩევნო პროგრამის ერთ-ერთი უმთავრესი ნაწილია და მოხარული ვარ, რომ ამ პრიორიტეტის აქტიური განხორციელება ჩუღურეთის რაიონში წარმატებით მიმდინარეობს“,- განაცხადა რიმა ბერაძემ.

საკრებულოს სპორტისა და ახალგაზრდულ საქმეთა კომისიის თავმჯდომარემ გიორგი ჩაკვეტაძემ კი აღნიშნა, რომ რაიონის მაჟორიტარისა და გამგეობის ერთობლივი ძალისხმევა შთამბეჭდავია, რის შედეგადაც ჩუღურეთელებმა დამატებით 21 განახლებული მოედანი მიიღეს.

„გაწეული სამუშაოები კიდევ ერთხელ ადასტურებს, რომ მუნიციპალიტეტის ერთ-ერთი მთავარი პრიორიტეტი ჯანსაღი ცხოვრების წესის პოპულარიზაცია და შესაბამისი ინფრასტრუქტურის მოწყობაა. ჩვენ მომავალშიც გავაგრძელებთ მიმდინარე სამუშაოების მონახულებას და იმ გამოწვევებზე პასუხს, რაც თბილისის მოსახლეობას ყველაზე მეტად სჭირდება“,- აღნიშნა გიორგი ჩაკვეტაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს