აზიის განვითარების ბანკი წყალმომარაგების სექტორში ახალ ინვესტიციას გეგმავს

აზიის განვითარების ბანკი წყალმომარაგების სექტორში ახალ ინვესტიციას გეგმავს. როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, ფინანსური მხარდაჭერა არსებული და ახალი წყალმომარაგების ინფრასტრუქტურული ობიექტების საერთაშორისო სტანდარტებით ოპერირებისა და მართვის გაუმჯობესებისკენ იქნება მიმართული. მათ შორის, ენერგოეფექტურობის გაზრდაზე, წყლის დანაკარგების შემცირებასა და ახალი ტექნოლოგიების დანერგვაზე.

მათი ინფორმაციით, აღნიშნული პროგრამის ერთ-ერთ პრიორიტეტულ ქალაქად ქუთაისი განისაზღვრა. დამატებითი საინვესტიციო პაკეტის გამოყოფის მიზნით, ADB-ის მისიამ გაერთიანებული წყალმომარაგების კომპანიის მენეჯმენტთან ერთად, ქუთაისში წყალმომარაგების კუთხით არსებული ვითარება ადგილზე შეისწავლა და მიმდინარე სამუშაოებს გაეცნო. ბანკის წარმომადგენლებმა ფარცხანაყანევში სათავე ნაგებობაც დაათვალიერეს, საიდანაც ადგილობრივები სასმელი წყლით მარაგდებიან.

საერთაშორისო საფინანსო ინსტიტუტის წარმომადგენლებმა სამუშაო შეხვედრა კომპანიის ადგილობრივი სერვის-ცენტრის თანამშრომლებთანაც გამართეს, სადაც დეტალური ინფორმაცია მიიღეს ტექნიკურ და კომერციულ სფეროებში არსებული მდგომარეობის შესახებ.

„დღეის მდგომარეობით, ბანკმა ,,ურბანული მომსახურების გაუმჯობესების საინვესტიციო პროგრამის’’ (USIIP) ფარგლებში, წყალმომარაგება-წყალარინების სისტემების განვითარებისთვის 500 მილიონი დოლარის დაფინანსება უკვე გამოყო,” - ნათქვამია სამინისტროს ინფორმაციაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს