ჩერნოვეცკის ფონდის დღის ცენტრს ექიმი-რეაბილიტოლოგი ირაკლი შენგელია ესტუმრა

ჩერნოვეცკის ფონდის დღის ცენტრს ექიმი-რეაბილიტოლოგი ირაკლი შენგელია ესტუმრა, რომელმაც ბუბნოვსკის სამედიცინო ცენტრის თანამშრომლების სახელით, ფონდს საჩუქრად ტანსაცმელი გადასცა. როგორც „ინტერპრესნიუსს“ ჩერნოვეცკის ფონდიდან აცნობეს, ირაკლი შენგელიამ ფონდის დღის ცენტრი დაათვალიერა და თანამშრომლობის გაგრძელების სურვილი გამოთქვა.

„ნამდვილად არაჩვეულებრივი საჩუქარი გაუკეთეს ჩვენს ბენეფიციარებს. გვინდა უღრმესი მადლობა გადავუხადოთ ბატონ ირაკლის, აგრეთვე ყველას, ვინც გულთან ახლოს მიიტანა ჩვენი ბენეფიციარების პრობლემები და დახმარების ხელი გაუწოდა მათ. ჩვენ მოხარული ვართ, რომ დღითიდღე იზრდება ჩერნოვეცკის ფონდის გულშემატკივართა რიცხვი, რაც სასიკეთოდ აისახება ჩვენს ბენეფიციარებზე“, - განაცხადა ჩერნოვეცკის ფონდის დირექტორმა ელენე პოლიშუკმა.