მოსამართლეთა საკვალიფიკაციო გამოცდის პირველ ეტაპზე შესაბამისი დავალების შესრულება, ამ დროისთვის, რამდენიმე გამოსაცდელმა დაასრულა. საერთო ჯამში კი, მოსამართლეთა საკვალიფიკაციო გამოცდაზე 238 პირია რეგისტირებული.

გამოცდები ამ წუთებში, საქართველოს ეროვნულ უნივერსიტეტში მიმდინარეობს. როგორც საგამოცდო დარბაზიდან გამოსვლის შემდეგ ერთ-ერთმა გამოსაცდელმა გვანცა თურმანიძემ ჟურნალისტებს განუცხადა, გამოცდა მშვიდ ვითარებაში მიმდინარეობს.

"მე ვაბარებდი სისხლის სამართლის მიმართულებით. გამომდინარე იქიდან, რომ ეს არის მოსამართლის გამოცდა, სტანდარტი მაღალია და კითხვებიც შესაბამისად, რთულად იყო შედგენილი, თუმცა ნორმატიულ მასალას თუ იცნობდი, შესაძლებელი იყო ჩაბარება. გარემოთი კმაყოფილი ვარ. რაც მთავარია, ყურადღების გაფანტვის საშუალება არ იყო",- განაცხადა გვანცა თურმანიძემ.

მოსამართლეთა საკვალიფიკაციო გამოცდა ორეტაპიანია. იმისთვის, რომ გამოსაცდელი მე-2 ეტაპზე გადავიდეს, მან პირველი ეტაპის გამოცდაზე მინიმუმ 75 ქულა უნდა დააგროვოს, სადაც უკვე წერით გამოცდას ჩააბარებს.

მოსამათლეთა საკვალიფიკაციო გამოცდის მეორე ეტაპი - წერითი გამოცდა მიმდინარე წლის 28 ივლისს ჩატარდება.