ისრაელის არმია - „ჰამასის“ სამი სამხედრო ბანაკი განადგურებულია

ისრაელის არმიამ ღაზას სექტორში ტერორისტული ორგანიზაცია „ჰამასის“ 68 სამიზნე გაანადგურა. აღნიშნული ისრაელის არმიის ჯარისკაცის მკვლელობის საპასუხოდ განხორციელდა. ამის შესახებ ისრაელის თავდაცვის ძალების პრესსამსახური იუწყება.

„ისრაელის არმიამ „ჰამასის“ სამი სამხედრო ბანაკი გაანადგურა ზეითუნში, ხან-იუნისეში და ელ-ბურეიჯაში“, - ნათქვამია განცხადებაში.

ისრაელის არმიაში აღნიშნავენ, რომ „თავდაცვის ძალები მასშტაბურად მოქმედებდნენ „ჰამასის“ ტერორისტული სამიზნეების წინააღმდეგ და საერთო ჯამში, ტერორისტული ორგანიზაციის 68 ობიექტია განადგურებული“.

„დარტყმები განხორციელებული იყო ისრაელის თავდაცვის ძალების ჯარისკაცის მკვლელობის, ასევე ტერორისტული მოძრაობა „ჰამასის სხვა ქმედებებზე საპასუხოდ. „ჰამასი“ განაგრძობს ტერორისტულ შეტევებს ისრაელის მოქალაქეებისა და უსაფრთხოების ინფრასტრუქტურის წინააღმდეგ“, - აღნიშნეს უწყებაში.