თუ საზოგადოება ნდობას გამომიცხადებს, საზოგადოების ნდობასთან და საპარლამენტო გუნდთან ერთად აუცილებლად მივაღწევთ პენსიის გაზრდას, - ამის შესახებ „ევროპული საქართველოს“ პრეზიდენტობის კანდიდატმა დავით ბაქრაძემ განაცხადა.

„ჩვენ გვყავს მოსახლეობის ნაწილი, რომელსაც შრომა უკვე აღარ შეუძლია და განსაკუთრებით უჭირს. რა თქმა უნდა, ყველას გვესმის, რომ პენსიის გაზრდა პრეზიდენტის ფუნქცია არ არის. მე არ ვაპირებ ვინმე მოვატყუო, რომ ეს პრეზიდენტის ფუნქციაა, მაგრამ ჩვენ ძალიან ძლიერი საპარლამენტო გუნდი გვყავს. თუ საზოგადოება ნდობას გამომიცხადებს, საზოგადოების ნდობასთან და საპარლამენტო გუნდთან ერთად აუცილებლად მივაღწევთ პენსიის გაზრდას და აუცილებლად მივაღწევთ უკეთესი სოციალური სისტემის შემოღებას“, - განაცხადა ბაქრაძემ.