საქართველოს ორდღიანი ვიზიტით ევროპარლამენტის მომხსენებელი ანდრის მამიკინსი ეწვევა. მამიკინსი ხვალ, პარლამენტში, პირველ შეხვედრას ევროპასთან ინტეგრაციის კომიტეტის თავმჯდომარე თამარ ხულორდავასთან გამართავს. ევროპარლამენტის მომხსენებელი პარლამენტში ასევე შეხვდება არასამთავრობო ორგანიზაციების წარმომადგენლებსა და არასაპარლამენტო ოპოზიციურ პარტიებს.

ანდრის მამიკინსი პარლამენტიდან პრეზიდენტის სასახლეში გაემგზავრება, სადაც პრეზიდენტ გიორგი მარგველაშვილს შეხვდება. ხვალვე ის საგარეო საქმეთა მინისტრ დავით ზალკალიანს შეხვდება. წინასწარი ინფორმაციით, ასევე დაგეგმილია შეხვედრა საქართველოს კათოლიკოს-პატრიარქ ილია მეორესთან.

ანდრის მამიკინსი შეხვედრებს 24 ივლისს განაგრძობს. ევროპარლამენტის მომხსენებელი შეხვედრებს გამართავს საპარლამენტო ფრაქციებთან და იუსტიციის მინისტრთან. არსებული ინფორმაციით, ასევე დაგეგემილია მიმიკინსის შეხვედრა პრემიერ-მინისტრ მამუკა ბახტაძესთან.