რეგიონალური ბიბლიოთეკებისთვის ესეების კონკურსში გამარჯვებულთა დაჯილდოების ცერემონია გაიმართება

საქართველოს პარლამენტის ეროვნულ ბიბლიოთეკაში, 23 ივლისს, ესეების კონკურსში გამარჯვებულთა დაჯილდოების ცერემონია გაიმართება.

როგორც „ინტერპრესნიუსს“ საქართველოს პარლამენტის ეროვნულ ბიბლიოთეკიდან აცნობეს, ესეების კონკურსი „დამოუკიდებლობიდან თავისუფლებისაკენ - რესპუბლიკის 100 წელი" რეგიონალურ ბიბლიოთეკებში 26 ივნისიდან 10 ივლისის ჩათვლით გაიმართა. იგი საქართველოს პრეზიდენტის ახალი კამპანიის "დამოუკიდებლობიდან თავისუფლებისაკენ - რესპუბლიკის 100 წელი" ფარგლებში ჩატარდა.

კონკურსი „საქართველოს საბიბლიოთეკო ასოციაციისა“ და საქართველოს პარლამენტის ეროვნული ბიბლიოთეკის ორგანიზებით გაიმართა.

„კონკურსის მიზანი იყო ბიბლიოთეკებსა და მათ მკითხველებს მთელი საქართველოს მასშტაბით მისცემოდათ საშუალება წარმოეჩინათ საკუთარი ხედვა საქართველოს თავისუფლებისა და დამოუკიდებლობის მნიშვნელობაზე. კონკურსის 20 მონაწილის ესე სპეციალურად ამ დღისადმი მიძღვნილ კრებულში დაიბეჭდება.

გამარჯვებული მონაწილეები ფულადი ჯილდოთი დაჯილდოვდებიან, ხოლო გამარჯვებული ბიბლიოთეკები კომპიუტერული ტექნიკით აღიჭურვებიან.

ესეების კონკურსის შემფასებელი კომისიაში არიან: ისტორიის მეცნიერებათა დოქტორი, პროფესორი ოთარ ჯანელიძე; ისტორიის მეცნიერებათა დოქტორი, თსუ-ს ასოცირებული პროფესორი როზეტა გუჯეჯიანი; ასევე, მწერლები: დავით ტურაშვილი და კოტე ჯანდიერი“, - ნათქვამია გავრცელებულ ინფორმაციაში.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
გიორგი რამიშვილის პრესსამსახური განცხადებას ავრცელებს
ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა