გარდაბნის მუნიციპალიტეტის სოფელ კრწანისში სოფლამდე მისასვლელი გზისა და არხის გაწმენდა მიმდინარეობს

გარდაბნის მუნიციპალიტეტის სოფელ კრწანისში სოფლამდე მისასვლელი გზისა და არხის გაწმენდა მიმდინარეობს. ადგილზე სიტუაციის შესწავლის მიზნით იმყოფებიან რეგიონული განვითარებისა და ინფრასტრუქტურის სამინისტროს საგზაო დეპარტამენტის თანამშრომლები, ქვემო ქართლის გუბერნატორი გრიგოლ ნემსაძე, გარდაბნის მუნიციპალიტეტის მერი რამაზ ბუდაღაშვილი.

დატბორილ სახლებში დაგროვილი ტალახნარევი მასის დაგროვების გამო, ამოტუმბვის პროცესის დაწყება ამ დრომდე ვერ ხერხდება.

„სპეციალისტები ადგილზე არსებულ სიტუაციას შეისწავლიან და გვირჩევენ, რა სამუშაოები უნდა ჩატარდეს იმისათვის, რომ მსაგავსი აღარ გამეორდეს. ზარალის ოდენობის შესწავლას სავარაუდოდ, დღის მეორე ნახევარში დავიწყებთ, მაშინ როცა წყლის ამოტუმბვა სახლებიდან მოხერხდება. ვფიქრობ, რომ ზარალი დიდი იქნება", - განაცხადა „ინტერპრესნიუსთან“ საუბარში გარდაბნის მუნიციპალიტეტის მერმა რამაზ ბუდაღაშვილმა.

წუხელ ძლიერი წვიმის შედეგად გარდაბნის მუნიციპალიტეტის სოფელ კრწანისის ტერიტორია დაიტბორა. წყალი ადგილობრივების საცხოვრებელ სახლებში შევარდა, განადგურდა სასოფლო- სამეურნეო სავარგულები, დაიხოცა მსხვილფეხა საქონელი და შინაური ფრინველები.

გვიან ღამემდე დატბორილი სახლებიდან მაშველები მოსახლეობის ევაკუაციას ნავებით ახორციელებდნენ. ადგილზე 60-მდე მაშველი მუშაობდა, 10-ზე მეტი დატბორილი სახლიდან მათ 15 ადამიანი გამოიყვანეს. რუსთავის მერიის დახმარებით სოფლიდან გამოყვანილი მოსახლეობა, ქალები და მცირეწლოვანი ბავშვები ქალაქის ერთ-ერთ სასტუმროში დააბინავეს.

წუხელვე ძლიერი წვიმის შედეგად გარდაბნის მუნიციპალიტეტის სოფელი მთის ძირი და ქვემო ფონიჭალის ნაწილი დაიტბორა. წყალი მოსახლეობის ეზოებში და საცხოვრებელი სახლების პირველ სართულებზე შევარდა. ამ დროისთვის აღნიშნულ სოფლებში წყლის ამოტუმბვის პროცესი დასრულებულია.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ