კონკურენციის საკითხებზე მოსამართლეთათვის ორდღიანი სემინარი ჩატარდა

ევროკავშირის პროექტის - „საქართველოს კონკურენციის სააგენტოს მხარდაჭერა“ ორგანიზებით, სასამართლო კორპუსის წარმომადგენელთათვის, კონკურენციის საკითხებზე 2- დღიანი სემინარი ჩატარდა, - ამის შესახებ „ინტერპრესნიუსს“ კონკურენციის სააგენტოდან აცნობეს.

მათივე ინფორმაციით, ღონისძიებას, კონკურენციის სააგენტოს წარმომადგენლებთან ერთად, თბილისის, რუსთავის და ბათუმის საქალაქო სასამართლოების, სააპელაციო და უზენაესი სასამართლოების მოსამართლეები და მათი თანაშემწეები ესწრებოდნენ.

სემინარს ევროკავშირის პროექტის გუნდის ხელმძღვანელი, აურელიო ლა ტორე, ლიეტუვას კონკურენციის საბჭოს თავმჯდომარე, შარუნას კესერაუსკასი და საბჭოს წევრი, დინა ლურიე უძღვებოდნენ. ღონისძიებაზე განხილულ იქნა კონკურენციის სამართლის ისეთი მნიშვნელოვანი საკითხები, როგორიცაა კონკურენციის სამართლის ძირითადი პრინციპები - კანონის მიზანი, სუბიექტები, საბაზრო სტრუქტურების სახეობები და მახასიათებლები; სასამართლოს როლი კონკურენციის აღსრულების საქმეში; კონკურენციის საწინააღმდეგო შეთანხმების ცნება, ფორმები, სახეები და შესაბამისი მაგალითები ევროკავშირის აღმასრულებელი თუ სასამართლო პრაქტიკიდან.

„აღნიშნული სემინარი იყო პირველი, რომელიც ევროკავშირის პროექტის ფარგლებში სასამართლო კორპუსის წარმომადგენელთათვის განხორციელდა. წლის ბოლომდე, ევროპელი ექსპერტების მონაწილეობით, დაგეგმილია დამატებით 2 სემინარის ჩატარება, რაც კონკურენციის საკითხებზე მოსამართლეთა ცნობიერების ამაღლებასა და ევროკავშირის გამოცდილების გაზიარებას შეუწყობს ხელს“, - ნათქვამია ინფორმაციაში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში