გეგმური სარეაბილიტაციო სამუშაოების გამო, ელექტროენერგიის მიწოდება „ენერგო-პრო ჯორჯიას“ აბონენტების ნაწილს შეეზღუდება, - ამის შესახებ „ინტერპრესნიუსს“„ენერგო-პრო ჯორჯიადან“ აცნობეს.

„ქსელის გეგმური სარეაბილიტაციო სამუშაოების გამო, 24 ივლისს, 10:00-დან 18:00 საათამდე ელექტროენერგიის მიწოდება შეეზღუდება 493 აბონენტს გუდაურში, დუშეთის და მცხეთის რაიონის სოფლებში ქუმლისციხე, ნაოზა, ჭოპორტი, წითელსოფელი, ბულაჩაური და მიმდებარე სოფლებში, 12:00-დან 14:00 საათამდე 2307 აბონენტს მცხეთის რაიონის სოფლებში წილკანი, ფრეზეთი, ერედა, უფურეთი და მიმდებარე სოფლებში, აგრეთვე მცხეთაში კახეთის, საგურამოს, სააკაძის, ღართიკარის, სამხედროს და მიმდებარე ქუჩებზე“, - აღნიშნულია ინფორმაციაში.

„ენერგო-პრო-ჯორჯიას“ ცნობით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.