სამთო მაშველებმა მყინვარწვერიდან ბულგარეთის მოქალაქე ჩამოიყვანეს

საგანგებო სიტუაციების მართვის სამსახურის სამთო მაშველებმა მყინვარწვერიდან ბულგარეთის მოქალაქე ჩამოიყვანეს, - ამის შესახებ ინფორმაციას საგანგებო სიტუაციების მართვის სამსახური ავრცელებს. მათი ცნობით, ტურისტის სიცოცხლეს საფრთხე არ ემუქრება.

„ბულგარეთის მოქალაქემ, 1960 წელს დაბადებულმა მამაკაცმა, ლაშქრობისას ქვედა კიდურების დაზიანება მიიღო. დაშავებული ზღვის დონიდან 3200 მეტრზე იმყოფებოდა. მამაკაცი ყაზბეგის სამთო-სამაშველო ჯგუფმა საავადმყოფოში გადაიყვანა და მის სიცოცხლეს საფრთხე არ ემუქრება“, - ნათქვამია საგანგებო სიტუაციების მართვის სამსახურის მიერ გავრცელებულ ინფორმაციაში.