პორტუგალიაში მიმდინარე ევროპის სტუდენტურ თამაშებზე თბილისის სახელმწიფო უნივერსიტეტის გუნდმა ჯგუფში პირველი ადგილი დაიკავა

პორტუგალიის ქალაქ კოიმბრაში მიმდინარე ევროპის სტუდენტურ თამაშებზე თბილისის სახელმწიფო უნივერსიტეტის გუნდმა მე-3 შეხვედრაც მოიგო და ჯგუფში პირველი ადგილი დაიკავა.

როგორც „ინტერპრესნიუსს“ უნივერსიტეტის პრესსამსახურიდან აცნობეს, დავით ბობოხიძის გაწვრთნილმა თსუ-ელებმა მთავარი კონკურენტი, 2-დან 2 მოგების მქონე ტამპერეს უნივერსიტეტის გუნდი დაამარცხეს. ქართველებმა ფინელ სტუდენტებს 4:1 სძლიეს.

“მატჩის პირველი ნახევარი თანაბარ ბრძოლაში წარიმართა. შეხვედრის მე-10 წუთზე ლუკა თავზარაშვილმა თსუ დააწინაურა, თუმცა ფინელებმა წონასწორობის აღდგენა რამენიმე წამში მოახერხეს: ქართველების კარში დანიშნული პენალტი ვილი მაკინენმა გამოიყენა.

პირველი ნახევარი ფრედ დასრულდა, რის შემდეგაც უპირატესობას თსუ დაეპატრონა. მეორე ტაიმის მე-5 წუთზე ჯერ ნიკოლოზ კურტანიძემ გაიტანა, ხოლო მე-17 წუთებზე ნიკოლოზ ფხაკაძის გოლით ქართელებმა გამარჯვება გაინაღდეს. დარჩენილ დროში შეტევაში გართული ტამპერელები ნოდარ ქურცაძემ გოლით დასაჯა და საბოლოო ანგარიშიც დაფიქსირდა - 4:1.

3-დან 3 მოგებით თსუ-მ ჯგუფში პირველი ადგილი დაიკავა და მეორე ეტაპზე გავიდა. გათამაშების ფორმატის თანახმად, 6 ჯგუფის გამარჯვებული მეორე ეტაპზე გადავა, სადაც ახალი - 3-3 გუნდიანი 2 ჯგუფი შეიქმნება. თბილისის ივანე ჯავახიშვილის სახელმწიფო უნივერსიტეტის გუნდის მომავალი მეტოქეები მოგვიანებით გამოვლინდება“, - ნათქვამია უნივერსიტეტის პრესსამსახურის ინფორმაციაში.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა