2018-2019 წლებში თბილისის მეტროს 12 ახალი შემადგენლობა დაემატება

2018-2019 წლებში თბილისის მეტროს 12 ახალი შემადგენლობა დაემატება, - ამის შესახებ თბილისის მერმა კახა კალაძემ სატრანსპორტო პოლიტიკის პრეზენტაციისას განაცხადა.

მისივე თქმით, აღნიშნული გადაწყვეტილების მიზანია, რომ მოცდის დრო შემცირდეს და მგზავრობა კომფორტული იყოს.

„გვინდა, რომ 2018-2019 წლებში კიდევ 12 ახალი შემადგენლობა დავამატოთ მეტროს, რომ მოცდის დრო შევამციროთ და უფრო კომფორტული გავხადოთ საზოგადოებრივი ტრანსპორტით მგზავრობა“, - განაცხადა კალაძემ.

თბილისის მერმა ასევე ისაუბრა ყვითელი ავტობუსების ჩანაცვლებაზეც.

„მინდა გავაჟღერო ერთი ძალიან მნიშვნელოვანი მესიჯი. მინდა გითხრათ, რომ 2018-2019 წლებში ყვითელი, არსებული ავტობუსები მთლიანად იქნება ჩანაცვლებული ახალი, ევროპული ტიპის ავტობუსებით და ძალიან დიდი მადლობა პრემიერს ამაში მხარდაჭერისთვის, რადგან ძალიან დიდ რესურსთან არის ეს ყველაფერი დაკავშირებული. თქვენ ხედავთ, აქ არის წარმოდგენილი ორი ავტობუსი, ერთი ყვითელი, რომლის რაოდენობა ჭარბობს დღეს ავტობუსების პარკში, თუმცა გარწმუნებთ, რომ 2019 წელს ჩვენ გვეყოლება ახალი, თანამედროვე, ევროპული ტიპის ავტობუსები და მთლიანად იქნება ჩანაცვლებული ეს ყვითელი ავტობუსები. ეს არის წარსული და ჩვენ გვინდა უკეთესი მომავალი, რომ რეალურად შევცვალოთ არსებული მდგომარეობა ამ მიმართულებით“, - განაცხადა კალაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს