საქართველოს პარლამენტის თავმჯდომარის, ირაკლი კობახიძის განცხადებით, თუ ყოფილი მაღალჩინოსნების გამოკითხვის პროცესზე ზედამხედველობა გახდება საჭირო, პარლამენტი „ამას გააკეთებს“. ამის შესახებ კობახიძემ ჟურნალისტებს განუცხადა.
როგორც მან აღნიშნა, გახდება თუ არა აუცილებელი ყოფილი პრემიერ-მინისტრის გიორგი კვირიკაშვილის გამოკითხვა, ეს სამართალდამცავი ორგანოების გადასაწყვეტია.
"ის, ვის დაუსვამენ კითხვებს სამართალდამცავი ორგანოები, ბუნებრივია, უნდა ჰკითხოთ სამართალდამცავ ორგანოებს. ჩვენ უნდა დაველოდოთ ამ პროცესს. თუ საჭირო იქნება პარლამენტის მხრიდან ჩარევა ზედამხედველობის კუთხით, ამას ბუნებრივია, გავაკეთებთ და თვალყურს მივადევნებთ. თუმცა, კითხვებს სამართალდამცავი ორგანოები სვამენ და ეს არის მათი პრეროგატივა",- განაცხადა კობახიძემ.