დღეს გვაქვს იმის ილუზია, რომ საზოგადოება რაღაც ფორმით ჩართულია პროკურატურის მართვა - გამგეობაში და რომ ეს პროკურატურა არის დამოუკიდებელი, – ამის შესახებ ჟურნალისტებს ფრაქცია „ევროპული საქართველოს“ წევრმა ოთარ კახიძემ განუცხადა, რომელმაც კომენტარი გააკეთა საპროკურორო საბჭოს დაკომპლექტებაზე.

ოთარ კახიძის თქმით, ჩვენ გვყავს 6 წლის ვადით, ხელისუფლების ნების შესაბამისად დანიშნული მთავარი პროკურორი.

„რაც შეეხება საპროკურორო საბჭოს, დღეს გვაქვს იმის ილუზია, რომ საზოგადოება რაღაც ფორმითაა ჩართული პროკურატურის მართვა–გამგეობაში და რომ ეს პროკურატურა არის დამოუკიდებელი. ეს მოჩვენებითი დამოუკიდებლობა მიუღებელია. უნდა შეიქმნას რეალური გარანტიები ან კიდევ ხელისუფლებამ უნდა აიღოს პოლიტიკური პასუხისმგებლობა, რომ მათ კონტროლს ექვემდებარება. ეს სჯობს ისევ ფსევდო დამოუკიდებლობას“, – განაცხადა ოთარ კახიძემ.