აშშ-ს პრეზიდენტი დონალდ ტრამპი შეშფოთებულია იმით, რომ რუსეთმა შესაძლოა გავლენა მოახდინოს აშშ-ში მოახლოებულ არჩევნებზე "დემოკრატების" სასარგებლოდ, - ამის შესახებ დონალდ ტრამპმა"ტვიტერის" საკუთარ გვერდზე დაწერა.
"ძალიან შეშფოთებული ვარ იმით, რომ რუსეთი ძალიან შეეცდება, გავლენა მოახდინოს მოახლოებულ არჩევნებზე. იქიდან გამომდინარე, რომ არც ერთი პრეზიდენტი არ ყოფილა რუსეთთან მიმართებაში ჩემზე უფრო ხისტი, რუსეთი ხელს შეუწყობს "დემოკრატებს". რუსებს უდავოდ არ სურთ ტრამპი!", - დაწერა დონალდ ტრამპმა.
აღსანიშნავია, რომ შემოდგომაზე აშშ-ს კონგრესში შუალედური არჩევნები გაიმართება.