პუშკინის სკვერში მიწისქვეშა ავტოსადგომისთვის მიწას ვიყიდდი, მაგრამ ამით დავარღვევდი პროცესს და სწორ შეფასებას არ მივცემდი, - ამის შესახებ პარტია „ქართული ოცნების“ თავმჯდომარემ, ბიძინა ივანიშვილმა საზოგადოებრივი მაუწყებლის გადაცემაში “აქტუალური თემა მაკა ცინცაძესთან ერთად“ განაცხადა.
ივანიშვილმა აღნიშნა, რომ როდესაც მიწისქვეშა ავტოსადგომებზე ასეთი მოთხოვნაა, არ შეიძლება სახელმწიფომ ფული აიღოს.
„რამდენიმე კვირა მთელი საქართველო ყირაზე დააყენეს, რომ ივანიშვილმა ერთ ლარად იყიდა პუშკინის სკვერიო, ასე ამბობდნენ, ამ დროს, პუშკინის სკვერის მიწისქვეშ ავტოსადგომი გაკეთდა. მე მაგას ვიყიდდი, მაგრამ ისევ დავარღვევდი პროცესს, დავამახინჯებდი რაღაცას და სწორ შეფასებას არ მივცემდი. არ შეიძლება როდესაც ავტოსადგომებზე ასეთი მოთხოვნაა, სახელმწიფომ აიღოს ფული მიწისქვეშა გადასასვლელებზე. თუ დააკვირდებით, კარგი არ მოხდა, ცუდი მოხდა - მერიამ გამოიტანა სამი ადგილი მიწისქვეშა გადასასვლელებში ავტოსადგომების მშენებლობისთვის და არავინ მივიდა. იმდენად არაეკონომიურია, რომ არავინ გამოთქვა სურვილი ამის გაკეთების. ამაზე გასცეს ოპოზიციამ პასუხი“, - განაცხადა ივანიშვილმა.