პაკისტანში საპარლამენტო არჩევნები მიმდინარეობს. ხმის მიცემის უფლება 105 მილიონ ამომრჩეველს აქვს. 85 ათასზე მეტი საარჩევნო უბანი დღეს, ადგილობრივი დროით 08:00 საათზე გაიხსნა.

საპარლამენტო არჩევნებზე მთავარი ბრძოლა მმართველ „პაკისტანის მუსლიმურ ლიგასა“ და პარტია „მოძრაობა სამართლიანობისთვის“ შორის გაიმართება.

პაკისტანის პარლამენტი 272 დეპუტატისგან შედგება. საპარლამენტო მანდატებისთვის 3,7 ათასი კანდიდატი იბრძვის.

არჩევნები ადგილობრივი დროით 18:00 საათამდე გაგრძელდება.