პაკისტანში, ქალაქ კვეტაში მომხდარ ტერორისტულ აქტზე, რომლის შედეგად 31 ადამიანი დაიღუპა, პასუხისმგებლობა ტერორისტულმა დაჯგუფებამ „ისლამური სახელმწიფო“ აიღო. ამის შესახებ ტელეარხი Geo TV იუწყება.

აფეთქება თვითმკვლელმა ტერორისტმა მოაწყო, რომლის სამიზნე ერთ-ერთი საარჩევნო უბანი იყო. საარჩევნო უბანზე მისვლამდე ის პოლიციელებმა გააჩერეს, რის შემდეგაც მან ასაფეთქებელი მოწყობილობა აამოქმედა.

დაღუპულებს შორის არის ხუთი პოლიციელი. დაშავებულთა რიცხვი კი 35-მდე გაიზარდა.

აღსანიშნავია, რომ დღეს პაკისტანში საპარლამენტო არჩევნები იმართება.