რამაზ საყვარელიძე - უფრო უპრიანია, რომ შინაგან საქმეთა სამინისტრო გაუძღვეს საგანგებო სიტუაციების მართვის სამსახურს

უფრო უპრიანია, რომ შინაგან საქმეთა სამინისტრო გაუძღვეს საგანგებო სიტუაციების მართვის სამსახურს, - ამის შესახებ ექსპერტმა რამაზ საყვარელიძემ „ინტერპრესნიუსს“ განუცხადა, რითაც არაოფიციალურ ინფორმაციას გამოეხმაურა იმის თაობაზე, რომ საგანგებო სიტუაციების მართვის სამსახური შესაძლოა, კვლავ შსს-ში დაბრუნდეს.

„სახანძრო და სხვა ტიპის კატასტროფების მომსახურება ხომ იყო შინაგან საქმეთა სამინისტროს შემადგენლობაში? ამიტომ, ალბათ, შსს რომ გაუძღვეს ამ სამსახურს უფრო უპრიანია, ვიდრე ის, რომ იყოს დამოუკიდებელი, რაც ცოტა გაუგებარია“, - განაცხადა რამაზ საყვარელიძემ.

პოლიტოლოგის შეფასებით, თავის დროზე შინაგან საქმეთა სამინისტროდან საგანგებო სიტუაციების მართვის რგოლის გამოყოფის გადაწყვეტილება გიორგი მღებრიშვილთან მიმართებაში არსებულ „საკადრო ამოცანას“ უკავშირდებოდა.

„რეალურად, ეს იყო საკადრო ამოცანა“, - განაცხადა რამაზ საყვარელიძემ.

საგანგებო სიტუაციების მართვის სამსახური, რომელიც პრემიერ-მინისტრის უშუალო დაქვემდებარებაში არსებული ორგანოა, შესაძლოა, კვლავ შს სამინისტროს სტრუქტურაში გაერთიანდეს.

როგორც “ინტერპრესნიუსისთვის“ გახდა ცნობილი, მთავრობა აღნიშნული სამსახურის შს სამინისტროში გაერთიანების ვარიანტზე მუშაობს, თუმცა აღნიშნულ საკითხზე გადაწყვეტილება ჯერ მიღებული არ არის. როგორც სააგენტოს ინფორმირებულმა წყარომ განუცხადა, სწორედ ეს არის მიზეზი, რის გამოც პრემიერ-მინისტრი საგანგებო სიტუაციების მართვის სამსახურის ხელმძღვანელის პოსტზე გიორგი მღებრიშვილის შემცვლელის დანიშვნას არ ჩქარობს.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო