მერია საზოგადოებრივი ტრანსპორტის შეღავათიანი სამგზავრო ბარათების დაბლოკვაზე განმარტებას აკეთებს

საზოგადოებრივი ტრანსპორტის შეღავათიანი სამგზავრო ბარათების დაბლოკვა მოსარგებლე პირთა ბაზების გეგმური განახლებით არის გამოწვეული, - ამის შესახებ „ინტერპრესნიუსს“ თბილისის მერიაში განუცხადეს.

როგორც მერიაში განმარტეს, მერიის ჯანდაცვისა და სოციალური მომსახურების საქალაქო სამსახური შეღავათიანი მგზავრობის ბარათით მოსარგებლე პირთა ბაზას პერიოდულად, 3 თვეში ერთხელ აახლებს, უწყებების მიერ მიწოდებული სიების საფუძველზე, იქნება ეს საჯარო თუ სახელოვნებო სკოლები, საბავშვო ბაღები თუ ვეტერანთა საქმეების სახელმწიფო დეპარტამენტი.

„პრობლემა აღმოიფხვრება დაუყოვნებლივ მას შემდეგ, რაც მიმწოდებელი უწყებები საქალაქო სამსახურს განახლებულ სიებს გადასცემენ“, - აცხადებენ მერიაში.

დღეისათვის, თბილისის მერიის შეღავათიანი მგზავრობის ბარათით, 570 000-მდე სხვადასხვა კატეგორიის პირი სარგებლობს.

შეგახსენებთ, სოციალურ ქსელში გავრცელდა ინფორმაცია, რომ საზოგადოებრივი ტრანსპორტის შეღავათიანი სამგზავრო ბარათები მომხმარებელთა ნაწილს დაებლოკა.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა