ნაძალადევის მაჟორიტარმა დეპუტატმა ადგილობრივი მცხოვრებლებისთვის მიღება გამართა. პარლამენტის პრესსამსახურის ინფორმაციით, მოქალაქეთა საჭიროებები, რომლის შესახებაც დეპუტატთან ისაუბრეს, ძირითადად სოციალურ და ინფრასტრუქტურულ საკითხებს შეეხებოდა. დასახელებულ თემებს შორის იყო დასაქმების, სოციალური შემწეობის, მკურნალობის, კორპუსებში ლიფტების შეკეთების, კორპუსების იერსახის გაუმჯობესებისა და რეკრეაციული ზონების მოწყობასთან დაკავშირებული თხოვნები.

დეპუტატი მათ საჭიროებებს გაეცნო და უფლებამოსილების ფარგლებში დახმარება აღუთქვა.