ხორავას ქუჩაზე მომხდარი მკვლელობის საქმის შემსწავლელი პარლამენტის საგამოძიებო კომისია მომავალ კვირას ორ მინისტრს და ყოფილ გენერალურ პროკურორს მოუსმენს.

საგამოძიებო კომისიის თავმჯდომარის სერგი კაპანაძის ინფორმაციით, კომისიის მორიგი სხდომა 3 აგვისტოს გაიმართება, რომელზეც მოიწვევენ ყოფილ მთავარ პროკურორს ირაკლი შოთაძეს, შინაგან საქმეთა მინისტრ გიორგი გახარიას და იუსტიციის მინისტრ თეა წულუკიანს. მანამდე, 26-28 ივლისს, კომისიის წევრები არასრულწლოვან პირთა გამოკითხვას გააგრძელებენ.