ყირიმის რუსეთთან შეერთების არაღიარება ამიერიდან აშშ-ს ოფიციალური პოლიტიკა ხდება, - ამის შესახებ აშშ-ს სახელმწიფო მდივანმა მაიკ პომპეომ განაცხადა.
„ყირიმთან დაკავშირებული სანქციების შერბილება არ მოხდება, ვიდრე რუსეთი უკრაინას ყირიმის ნახევარკუნძულზე კონტროლს არ დაუბრუნებს. ამ მიზნებისათვის ჩვენ ოფიციალურ სახეს ვაძლევთ აშშ-ს მიერ არაღიარების პოლიტიკას“, - განაცხადა მაიკ პომპეომ.
აღსანიშნავია, რომ აშშ-ს ადმინისტრაციამ ყირიმის რუსეთთან შეერთების არაღიარების დეკლარაცია გამოსცა. დოკუმენტი ოფიციალურად აცხადებს ვაშინგტონის არაღიარების პოლიტიკას.
„მინდა განვაცხადო, რომ აშშ არ აღიარებს კრემლის მიერ ყირიმის ანექსიას. ჩვენ ჩვენს მოკავშირეებთან ერთად ვდგავართ და მხარს ვუჭერთ უკრაინის ტერიტორიულ მთლიანობას“, - დასძინა მან.