მალხაზ მაჩალიკაშვილი - ყველანაირად ვეცდები, რომ რაც პანკისის ხეობაში მოხდა, დასახელდეს არა სპეცოპერაციად, არამედ ტერაქტად

ძალოვნების ბინძური თამაშების დროს პანკისის ხეობაში მცხოვრები ქისტების გამოყენება ხდება, რომლებიც მათი მხრიდან დღესაც დიდი ზეწოლის ქვეშ არიან, - ამის შესახებ პანკისში სპეცოპერაციის დროს დაღუპული თემირლან მაჩალიკაშვილის მამა, მალხაზ მაჩალიკაშვილმა დღეს ზაზა სარალიძესთან ერთად გამართულ პრესკონფერენციაზე განაცხადა.

მისივე თქმით, ადამიანების შუაზე გახლეჩასა მათ ერთმანეთთან დაპირისპირებას ცდილობენ, თუმცა ეს არასდროს მოხდება.

„ყველაფერს გავაკეთებთ, რომ საქართველოში მცხოვრები ნებისმიერი პანკისელი ქისტი სრულუფლებიანი იყოს,- განაცხადა მაჩალიკაშვილმა.

მან ასევე აღნიშნა, რომ ზაზა სარალიძესთან ერთად სტრასბურგის ადამიანის უფლებათა სასამართლოში სახელმწიფოს წინააღმდეგ სარჩელის შეტანას გეგმავს.

“ყველამ კარგად ვიცით, რომ ეს პირდაპირ სახელმწიფოს მიერ ჩადენილი გახმაურებული დანაშაულია. როგორც დათო სარალიძის, ისე ჩემი შვილის საქმესთან დაკავშირებით ხდებოდა საქმის გადაფარვა იმ ადამიანების მიერ, რომლებიც არიან დასაჭერები, თუმცა დღესაც გარეთ იმყოფებიან.

რაც შეეხება თემირლანის საქმეს, მე ყველანაირად ვეცდები, ჩემს მეგობრებთან ერთად, ის რაც პანკისის ხეობაში მოხდა, დასახელდეს არა სპეცოპერაციად, არამედ ტერაქტად და მგონი ჩვენ ყველა, ვინც რეალობას თვალებში ვუყურებთ, ამას მივაღწევთ და ისევ ამ ადამიანების დახმარებით, რადგან როგორც დათოს, ისე თემირლანის პატივსაცემად არიან ადამიანები, რომლებიც აქ მიხედავენ ყველაფერს.

რაც შეეხება პანკისის ხეობას, თავიანთი ბინძური თამაშების დროს პანკისის ხეობაში მცხოვრები ქისტების ძალოვნების მიერ გამოყენება ხდება. ისინი ძალოვნების მხრიდან დღესაც დიდი ზეწოლის ქვეშ არიან და მათ შუაზე გახლეჩასა და ერთმანეთთან დაპირისპირებას ცდილობენ, თუმცა ეს არასდროს მოხდება“, - განაცხადა მაჩალიკაშვილმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა